9–10–11 сынып оқушыларына Шоқан Уәлиханов атындағы жоғары педагогикалық колледж өкілдері арнайы келіп, кәсіби бағыт-бағдар беру мақсатында мазмұнды түсіндірме жұмысын жүргізді.
Кездесу барысында колледждің білім беру бағыттары, мамандық түрлері және оқуға қабылдау талаптары туралы жан-жақты ақпарат берілді. Атап айтқанда, бастауыш білім беру, мектепке дейінгі тәрбие, ағылшын тілі мұғалімі, дене шынықтыру және спорт, музыкалық білім беру, кәсіптік оқыту (тігін өндірісі және технология), қонақүй сервисі сияқты мамандықтар жөнінде кеңінен түсіндірілді.
Сонымен қатар оқушыларға болашақ мамандықты дұрыс таңдау, еңбек нарығындағы сұранысқа ие салалар және кәсіби даму жолдары туралы да айтылды.
Іс-шара оқушылардың кәсіби бағдарын айқындап, болашақ мамандық таңдауда маңызды бағыт-бағдар берді.